ماقد جرحتك ولا في يوم ضربتك
ولا أذكر إن الغلا قد طاح تقديره
تخطي وتجرح وتقهر ما تحديتك
اصبر واحمّل على حمل الشقاء حيرة
رغم اللي شفته من عنادك وتشتيتك
ماقد طرا لي أبدل حبك بغيره
لا وحسافة زمانٍ فيه حبيتك
دربٍ مشيته معك خابت مشاوريه
تصدق إني كرهتك قد ما غليتك؟
والحمد لله عساها تكون لي خيرة
أنا بعذري وربي يوم خليتك
لا تحسب إن الخيانة عندي صغيرة
مابي كلامك وعذرك وأنت ياليتك
تصك باب العذر وتفضها سيرة
والله ولو لك قدر عندي؟ تحريتك
لكن غلاك انقتل واجتثت الغيرة
وش جابك؟ الله يردك سالم لبيتك!
ارحل توكل تراك مضيع الديرة
الله يستر عليك تروح ماجيتك
دوّر بدالي عسى بفراقنا خيرة
ايـــ ـ ـ ــلاف
موضوع: عتاب وفراق 
الإثنين أبريل 14, 2008 2:20 am
