شيخة عمري
شوشو جديد
عدد الرسائل : 8
تاريخ التسجيل : 09/04/2008
 |  موضوع: قصيدة كلي ظما  الخميس أبريل 10, 2008 6:53 am | |
| بسم الله الرحمن الرحيم
السلام عليكم
اليوم جايب لكم قصيدة للشاعر العذب الشاعر الحساس
محمد جار الله السهلي
بصراحة تعجبني قصائد هذا الشاعر بشكل كبير ،، وقصيدته هذي اعتبرها من اجمل قصائده
اترككم مع قصيدة كلي ظمئ
::
بيني وبين الشقا سلام ردية
........................ يفتل جروحي وانا انقضها بموالي
عيّد بي الهم وأثر الدمع عيديه
........................ ولاني بذاخره دام عيوني عيالي
ياعين هلي دموعك كل عصريه
........................ وان لمتك بيوم قولي مالك ومالي
محتاج طاروق له معنى وقافيه
........................ واستبشري خير والشعر يتهيالي
القدح من فكري وفي الراس جنيه
........................ وان حضرت بي كتبت العالي العالي
ماشلتها عرضه ولاهي هجينيه
........................ غنيتها مدري الطاروق غنى لي
بس الوكاد انها قصة غرامية
........................ أبطالها همي وغمي وغربالي
وان قالوا الناس ذا طبع الهواويه
........................ قلت استوى عندي الترياق والحالي
العشق بلوى ونفسي فيه مبليه
........................ خلوني اكتب وافضفض لاتفضى لي
المسأله أكبر من احلام ورديه
........................ الحزن لا من لفى جيته على فالي
حزني واعرفه واعرف ابسط مواريه
........................ ولاني لحالي كثير اللي عرف حالي
ياوجد حالي وجود اللي هقاويه
........................ خانته بأغلى رفيق ولا لقى والي
وياوجد حالي وجود اللي بن آخيه
........................ عن عسر حاله وضيقه داله وسالي
في غيبة اللي تمادى بالأنانيه
........................ وخلاني بوجه حزني واقف لحالي
ياموسع الضيق لا من مر طاريه
........................ كن الوسيعة تضيق إن مر في بالي
وين انت ياللي بعادك مأثر فيه
........................ غايب وأحسك معي وأشوفك قبالي
طيفك اليا مر حاجه لا اراديه
........................ اتبع سرابه واجيه اسابق ظلالي
ياللي من حروفك تغار الرومنسيه
........................ والله قبل لا افقدك فاقدك جوالي
في بحتك شي يشبه حزن مرثيه
........................ ومن غاب صوتك وانا اللي صدق يرثى لي
وعيونك السود اعجاز وخياليه
........................ نادر شبهها مثل ماتندر خصالي
ونظرتك تهدم كياني بكل عفويه
........................ سلهم وشف كيف يبدأ فيّ زلزالي
وعودك إليا مال يالمترف بحنيه
........................ قمت اتعزوى واطوح لأجله عقالي
وقلبي على ضمتك يسابق يديه
........................ ويردني طيب أبوي ومرجلة خالي
تكفون ياللي تمرونه علانيه
........................ قولوا له الموت لامن غاب يطرى لي
وقولوا له ان غيبته ماهي بعاديه
........................ وخلوه يرجع ويشوف بعينه أحوالي
وقولوا له أنه ذبحني لعن أبو حيه
........................ مايرحم الشوق غالي ينتظر غالي
وقولوا له ان صد والصده نهائية
........................ أشوا لي أصد ..لا والله وش أشوا لي..!!
حيل الله أقوى عساها روحه بجيه
........................ وعساه مايبطي ويرجع ويسعى لي
وقولوا له الله حسيبه كان له نيه
........................ ماعاد يرجع لي وقولوا له التالي
حرام كلي ظمئ و يديه وسميه
........................ وحرام مالي امل مادامه أمالي
::
وسلامتكم
وصح لسانه
وحياكم
تحياااتي:شيخة عمري | |
|
حلاوة مصاص ..
شوشو ذهبي
عدد الرسائل : 509
العمر : 31
تاريخ التسجيل : 27/04/2008
| | موضوع: رد: قصيدة كلي ظما الخميس مايو 01, 2008 3:00 pm | |
| | |
|
دونات بالسكر
شوشو ذهبي
عدد الرسائل : 535
العمر : 35
تاريخ التسجيل : 22/04/2008
| | موضوع: رد: قصيدة كلي ظما الأربعاء مايو 28, 2008 3:17 pm | |
| | |
|
